Dimapur, 30 April: Diphupar A te 20000 manu khan ke vaccinate koribole lakiya nemite, village level vigilance & Monitoring cell Covid 19, Diphupar Village Council para Diphupar A te tusara sub center othabole/dangor koribole nemite Chief Medical officer Dr.Mereninla ke approach korise kelay koile etiya thaka Diphupar sub center toh besi beneficiaries ke provide koribole dekthari thaka nemite.
Bosti laga lakiya te jani kena CMO Dimapur para higher authority logote kotha kora bechite, Diphupar Village Council Hall te sub center othabole/dangor koribole nemite akiya deshe. Etu para aji 30th April 2021 te 45 opor omar khan ke vaccinate korise 6 member vaccination team logote.
Aji Covid vaccination introductory programme samai te, CMO Dimapur para appeal korise Diphuparians khan Government para opai deya te loikena vaccination koribole nemite.
Tai para jama howa manu khan ke Vaccination opor te negative rumours te biswas nakoribole koise aro etiya tak Dimapur te dekthari powa toh nai koise. Tai para be Diphupar laga manu khan ke Covid appropriate behaviours te practice kori thakibole koise kelay koile desh te Nagaland be melikena 2nd wave covid para gara dekthar deya nemite.
Dr Mereninla para be Village Council ke sob Returnees khan Diphupar Village te aha te sabole koise aro tai khan ke be sobse notun SOP opor te yaat delaideya te sob returnees para Negative RTPCR dekhabole/olabo laki koise. Tai para Diphupar Village Council laga hotai supportive nemite kushi powa janaishe aro etu par vaccination program nemite be.
Short speech toh Diphupar Village Council para deya thakise. Pastor Tangkhul Baptist Church Diphupar, Rev.Candid Satro para Isor laga ashirbad nemite prathana korise. HedaGB Diphupar Village, Kekhwetshu Khutsoh para vote of thanks koise.
Add Comment