Surat: Saturday din Bharuch district laga Welfare Hospital ICU te jui olaikena komti hoilebi 16 Covid-19 bemari manuh morishe aro etu mora pithor te tui(2) jun nurse samil ase. Local manuh khan para glass windows para jaikena dosura bemar manuh khan ke othaishe. Khobor para koishe ke, jui ola samai ICU ward te 27 bemari manuh neshina thakishe aro tai khan ke dosura osor private hospital te loikena jaishe. Chief minister Vijay Rupani para tuita(2) senior bureaucrats- Additional Chief Secretary (labour & employment) Vipul Mittra aro Commissioner (municipalities) Rajkumar Beniwal ke junishe aro Bharuch te jaikena inquiry koribo. Rupani para judicial probe be koriboli ase koishe. Chief Minister’s Relief Fund para mora manuh laga ghor manuh khan ke Rs 4 lakh thibo koikena Rupani para janaishe. Prime Minister Narendra Modi para koishe ke, “Bharuch hospital te jui para mora manuh laga ghor manuh khan ke mon dukh howa janaiase.” Jowa saal para Jambusar bypass te hospital thaka te district laga Covid-19 bemar manuh ke elaj kori ase. Fire department para koishe ke, etu samai ICU te 27 Covid bemari manuh khan aro dosura manuh toh ventilators te thakishe. Saturday 1 am te jui toh olaishe koishe. Fire department officials laga bapana te jui toh short circuit nemite ase koishe. Jui toh thikena hospital staff khan para bemar manuh Ventilators te thaka khan ke pachaboli korishe. Locals khan be etu khobor toh honikena jaga te ahina motob korishe. Fire tenders be ahina atha-gonda neshina te jui toh kotom korishe. Bemar manuh khan ke Vaghra, Jambusar aro dosura private hospitals te loikena jaishe koishe. Bharuch district collector M D Modiya, Bharuch district superintendent of police Rajendrasinh Chudasma aro political leaders khan be khobor toh honikena jaga te ahishe. Indian Express logot kotha kora samai, Bharuch SP Rajendrasinh Chudasma para koishe ke, “etu jui incident te 16 bemar manuh aro nurse 2 jun morishe. Etu samai jui toh dosura jaga te nalaka akhe te kotom korishe.
Gujarat hospital jui te 16 manuh aro 2 nurse morishe
