Agra: Aji pijur marriage ceremony ekta te jaikena wabas kora samai family te tin(3) jun manuh rasta accident te morihe aro dosura tin(3) jn jokom paishe koishe. Etu accident toh Etmadpur police station laga Rehan Kala toll plaza osor te 9,30 am samai hoishe. Police para koishe ke, tai khan laga gari para rasta divider te marishe, etu samai shaty kora maiki laga ama aro ghor mauh tui(2) jun morishe. Mora manuh laga nam toh Suman Parashar (55 umer), Saurabh (30 umer), aro Gunjan (28umer) aro jokom powa khan toh Mohit, Anjali, aro Shalvika thakishe. Etu ghor manuh khan sob toh Agra district laga Bundu Katra, Sadar jaga para ase. Suman Parashar toh shaty kora maiki laga ama thakishe aro dosura tui(2) jun mora toh tai khan laga khandan manuh thakishe koishe. Senior police official Archana Singh para PTI logot koishe ke, “etu accident howa toh driver toh homai jaikena divider te marishe. Etu ghor manuh khan toh Tundla te maiki bacha laga shaty para ghor te jai thaka samai thakishe. Jokom powa manuh khan toh elaj nemite loikena jaishe.”
Agra accident te ghor manuh 3 jun morishe
