May 1, 2021. Arunachal Pradesh government para sob all higher educational institutions neshina colleges, universities aro polytechnics toh May 1 darik para bondh koriboli junaishe. India te Covid-19 bemar halat besi beya jai thaka nemite ase. Arunachal Pradesh government aro Itanagar te Rajiv Gandhi University para notification hesab te koishe, May moina para soruh hoikena notun order naola dak sob colleges, universities aro polytechnics bondh thakibo. Sob educational institutions laga hostels te manuh bohi thaka toh May 1 darik dak te kali hoboli janaishe. Teaching staff khan logot classes toh online mode te loboli koishe. Notification te aro koishe ke, sob private universities aro Arunachal Pradesh laga central autonomous institutions logot UGC aro ministry of education laga notun guidelines hesab te academic calendar aro exam darik toh bonaboli janaishe. Aro etu bona beche tai khan para nejor jaga laga district administration aro state education department logot janai thiboli koishe. Hoilebi, etu samai sob higher educational institutions office toh state government para Covid-19 hoshari neum aro SOPs deya hesab te kam toh kori thakibo.
Arunachal educational institutions May 1 para bondh
