May 1, 2021. Tripura Tribal Areas Autonomous District Council (TTAADC) laga notun chief executive member (CEM), Purna Chandra Jamatia aro dosura 6 jun executive members aro TIPRA Motha chairman Pradyot Kishore Debbarman para Tripura chief minister Biplab Kumar Deb ke meeting mathishe. State government para TTAADC development nemite motob koriboli tayar ase koikena Friday din Agartala te CM Deb para Civil Secretaria te meeting kora samai janaishe. Meeting te aro Chief Minister para koishe ke, state government para ADC jaga te rasta sob 2022 saal dak te bona kotom koribo. Notun junai MDC para state government logot ADC jaga toh sob bonabo nemite funds toh demand korishe. Executive members khan para chief minister logot koishe ke, ADC administration para central aro state governments logot melikena projects toh kotom koribo. Chief minister para aro koishe, state government para Anganwari center sob te aro ADC jaga te schools te drinking water aro toilets bonaboli janaishe. Tai para aro notun junai ADC workers khan logot mon thikena employment kam toh education, health, drinking water, electricity, industry aro training kam koribo. Chief Minister ke aro ADC laga executive members para jaga alag-alag te department logot government para kotha kora neshina kam toh koriboli koishe.
TTAADC members aro CM Biplab Kumar lok korishe
