Australians manuh India para ahiboli ban, 5 saal jail

May 2, 2021. Australia para tai laga citizens khan ke India para wabas ahiboli ek paar nemite banned korikena ase. India para ahiboli ban kora toh 14 din nemite Monday din para soruh hobo, koikena Health Minister Greg Hunt para emailed statement te janaishe. Etu ban samai kaun manuh para kotha namanibo, tai khan oper te A$66,600 ($51,000) fine koribo aro 5 saal nemite jail te thakibo. India neshina desh te virus cases besi othi ase. Saturday din te time samai ase ke, bemari cases toh 400,000 othishe. Australia te travelers khan logot positive cases thuri thaka nemite tai khan laga quarantine system toh be beya hoboli phui te ase. Australai te non-residents khan logot international border bondh kora nemite local transmission virus toh komti hoishe aro New Zealand logot be etu eke neum toh jolai ase, ketaiba manuh khan logot cases leak kora toh quarantine hotels para ase koishe. “etu hoshari koriboli kam toh bahar desh para manuh khan Australia quarantine te narakiboli fesla loishe aro India para Covid1-19 bemari toh besi thuri ase,” koikena Hunt para koishe. Tuesday din te Australia para India laga flights sob toh May 15 darik te banned korishe, hoilebi dosura desh hoikena ahiboli besi chance te ase. Etu notun kam para komjur  thaka jaga te saikena May 15 darik dak bondh koribo. Opposition Labor Party para koishe ke, government para vaccine toh joldi olaboli laki aro citizens khan bahar desh para aha manuh ke quarantine system thiboli laki koishe. “ami khan logot itya vaccine toh rails para ahi ase, ami khan logot quarantine system toh hotels logot sai ase” koikena Saturday din Shadow Health Minister Mark Butler para koishe. Desh laga cabinet para itya India para aha  Australians manuh logot sai ase aro May 15 darik beche dedicated flights soruh koribo, Hunt para Friday din press conference te janaishe. Saturday din Western Australia te Perth city te tin(3) jun manuh logot Covid-19 positive thurishe, koikena state laga health department para statement te janaishe. 1^st case toh hotel security guard aro tai laga tui(2) jun sati logot thurishe. State para itya security guard logot keneka bemar toh thurishe etu nemite investigating jai ase koishe.

Etu bemari city te thura toh,  Australia laga 4^th sobse tangor city te lockdown kotom howa beche ase. Khobor hesab te bahar manuh ek jun 14 din hotel te quarantine te bohi thaka beche thura ase koishe.