May 3, 2021. State Assembly elections te kamyaab nakora nemite Ripuna Bora toh Assam Congress president para resigned korishe. Ripun Bora, Assam Congress chief para resigned koriboli howa toh party khan state assembly election te besi beya para hara nemite ase koishe. Ripun Bora para tai laga resignation letter toh Assam Congress president logot deya samai koishe ke, Assembly elections te kamyaab napa toh tai laga komjur nemite thakishe, etu nemite tai para resignation toh Congress president Sonia Gandhi logot lekishe. “ami, President para lamijaboli resignation kori ase, keli koile Assam Pradesh Congress Committee kumjor thaka nemite party khan Assam Assembly Elections 2021 te harishe,” koikena Ripun Bora para resignation letter te lekishe. “BJP aro RSS para kelai communal politics te larai koriboli parai nai,” koikena Ripun Bora para koishe. “ami ekta Congressman neshina hoikena Indian National Congress laga bhal bapana aro kam toh hotai nemite thakibo,” Ripun Bora para resignation letter te janaishe. Khobor hesab te Rajya Sabha MP Ripun Bora toh ekta sobse takot thaka candidates ase hoilebi Sunday din te result ola samai, tai 2021 Assam Assembly elections te harishe.
