May 3, 2021. Mizoram te 24 gonda pithor te 74 notun Covid19 positive cases thurishe aro 1 jun manuh bemari para morishe. Etu melaikena Mizoram te bemari cases toh 6,358 ase aro manuh mora toh 16 hoishe. Sobse notun COVID-19 khobor hesab te, Mizoram te itya 1296 active Covid19 cases hoikena ase. Aro sob melaikena olop din akhe para Covid-19 bemari 5,046 manuh bhal hoishe. Aro itya dak te Covid19 bemar para state te 16 manuh morikena ase. Notun cases pithor te, 70 cases toh Rapid Antigen Test (RAT) para thurishe aro 4 cases toh TrueNAT test para thurishe. 24 gonda pithor te Zoram Medical College (ZMC) laga RT-PCR lab te ekta sample be tested kora nai. Sunday din te 64 umer, Aizawl laga Dam Veng jaga te etu virus bemar para morishe. Etu manuh toh Sunday5:30 pm samai Aizawl osor Zoram Medical College para morishe koishe. Sunday din Mizoram te aro 61 bemari manuh khan alag-alag hospital para discharged hoishe koishe.
Mizoram: 24 gonda te 74 notun Covid-19 cases
