May 4, 2021. Sate te Covid-19 bemari halat beya jai thaka nemite, Tuesday din Board of Secondary Education Assam (SEBA) para High School Leaving Certificate (HSLC) Examination aro Assam High Madrassa Examination 2021 postponed koriboli junaishe. Etu khobor toh conform kora te SEBA official para Northeast Now logot koishe ke, Board of Secondary Education Assam para HSLC aro High Madrassa Examinations loboli thaka toh State te Covid-19 bemari halat saikena postponed korishe. Official para janaishe ke, ketai halat toh bhal te ahibo, etu samai SEBA para exam thakiboli khobor toh junai thibo koishe. HSLC aro Assam High Madrassa Examinations 2021 toh May 11 darik para soruh hoboli thakishe. Dosura order ekta te, SEBA secretary Suranjana Senapati para koishe ke, exam nemite notun darik aro samai toh board aro state health department meeting kora beche te janai thiboli koishe. Order te koishe, “Assam State te itya laga Covid-19 bemari halat toh saikena HSLC/AHM Examination 2021, 11th May, 2021 para soruh hoboli thaka toh postpone koriboli fesla korishe. Exam nemite notun darik aro samai toh Health Department, Govt. of Assam logot kotha kora beche junai thibo.” Monday din Assam laga 11 districts te Covid19 bemar para manuh mora khobor powa toh- Kamrup-Metro – 13, Dibrugarh – 4, Udalguri –2, Bongaigaon –1, Cachar – 1, Nalbari – 1, Kamrup–Rural – 1, Karimganj – 3, Sonitpur – 1, Tinsukia – 1, Goalpara – 1. Itya dak Assam te sob melaikena Covid19 bemar para 1,389 manuh morikena ase. Assam te notun bemari cases thura te, Monday din dak te sob melaikena 26,477 ase koishe.
SEBA: HSLC, High Madrassa Exam postpone
