May 6, 2021. Assam BJP para State laga Assembly elections kotom howa samai, Muslim-dominated constituencies te kam komjuri kora nemite tai khan laga minority cell toh hataishe koishe. Minority cell hataboli nemite order toh Assam State BJP President – Ranjit Kumar Dass para janaishe. Ranjit Kumar Dass laga order hesab te koishe ke, Assam BJP laga minority cell toh “olop din nemite suspended thakibo”. Khobor hesab te, muslim-dominated constituencies te BJP candidates khan ek jun be election te kamyaab howa nai. Etu paar sob melaikena 31 Muslim MLAs khan ke Assam Assembly te kamyaab hoishe. 31 Muslim MLAs Assam Assembly te etu paar olaishe etu pithor te Congress para 16 aro AIUDF para 15 candidates ase koishe. “ami khan laga bapana hesab te nahoikena etu jaga te party khan besi komti votes paishe. Booth committees khan dak para BJP ke vote deya nai, etu nemite party thakiboli kam nai,” koikena Assam State BJP President Ranjit Kumar Dass para khobor toh junaishe. Muslim manuh thaka jaga jarikena, BJP aro tai laga party- AGP aro UPPL sob melaikena 75 seats paishe. Dosura khobor ekta te, Congress-led Grand Alliance para 5 0 seats paishe, etu pithor te 31 jaga toh muslim manuh thaka constituencies ase.
Add Comment