Mizoram: 1 moina pithor 1,700 gahori moriase

May 7, 2021. Mizoram te 1 moina pithor te African Swine Fever (ASF) para 1,700 gahori neshina mori ase koikena Thursday din official para janaishe. State animal husbandry aro veterinary department laga joint director (Livestock Health) Dr Lalhmingthanga para koishe ke, gahori bemar toh besi phile ase aro dosura jaga te be olop moina akhe te philekena jai ase koishe. State government para Lungsen bosti aro Lunglei district te Lunglei’s Electric Veng jaga Armed Veng aro Edenthar jaga Aizawl, laga Keitum bosti Serchhip district toh ASF laga “epicentre” ase koikena janaishe. Lalhmingthanga para koishe ke, konuba jaga te gahori bemar toh epicenter janai thibo ase koishe. Tai hesab te March 21 darik Bangladesh border Lunglei district laga Lungsen bosti te African Swine Fever (ASF) para komti hoilebi 1,728 gahori morikena ase koishe. African Swine Fever (ASF) bemari nemite Rs 6.91 crore neshina noksen hoikena ase. Thursday din ASF bemari para 21 ghori aro morishe koishe. Etu gahori bemari para 5 districts- Aizawl, Lunglei, Serchhip, Lawngtlai aro Mamit te thurikena ase koikena Lalhmingthanga para janaishe. State bahar te be ASF bemari para 866 gahori mora khobor paishe. Gahori bemar laga samples toh test koriboli jama korikena ase, tai par aro janaishe. ASF bemar toh osor desh neshina Bangladesh aro Myanmar para gahori aniya te thakishe koikena officials para janaishe.