East Khasi Hills te May 17 dak aro lockdown janaisheEast Khasi Hills te May 17 dak aro lockdown janaishe

May 9, 2021. Meghalaya government para East Khasi Hills district te lockdown toh aro May 17 darik 5 am dak extend koriboli junaishe. Etu fesla toh hotai din notun COVID-19 positive cases othi-thaka nemite korishe. Saturday din state te ek din majot te 11 manuh mora toh sobse besi registered hoishe. Saturday te aro 375 notun positive cases recorded hoishe aro etu 1 din pithor te sobse besi cases thakishe. Hoilebi, lockdown samai konuba restrictions toh hatabo koishe. Friday rathi 10 pm para Monday 5 am dak lockdown toh state laga dosura district te jai thakibo. Dukan te essential saman beka toh kulibo aro etu samai Dorbar Shnongs para saikena strict SOPs neum jolaboli janaishe. Construction kam toh kaun khan construction site te jaikena bohi ase, etu jaga te kam toh kori thakibo. Hoilebi, kam kora manuh khan ekta jaga para dosura jaga te peraboli mana ase. District administration aro agriculture department laga 1917 iTeam khan para farmers logot motob korikena tai khan laga agricultural saman toh jaga-jaga para othabo. Vegetable traders khan para be saman othaboli thibo. Deputy chief minister Prestone Tynsong para koishe ke, saman keniboli nemite toh manuh para tai khan nejor jaga te kenibo, dosura jaga te jaikena loboli mana ase koishe.