Chhattisgarh te homeopathy tawai para 3 jun morishe

Raipur: Sunday din te Chhattisgarh laga capital Raipur te alcohol-based homeopathy tawai loikena tin(3) jun manuh morishe, koikena khobor toh police para janaishe. Manuh mora toh Ma7 darik thakishe, hoilebi mora manuh ek jun logot investigation korikena autopsy report hesab te Sunday din te janishe, koikena Civil Lines police station laga station house officer (SHO), R K Mishra para khobor toh janaishe. Mora manuh khan laga nam toh Manish Verma (37 umer), Dalvir Singh Parmar (25 ume) aro Balvindar Singh (29 umer) ase aro tai khan toh Pandri bosti manuh ase koishe. “May 7 darik te Verma toh tai laga ghor para morishe aro dosura tui(2) jun toh Dr B R Ambedkar Memorial Hospital te elaj kora samai ek din te mora ase,” koishe. Suspect kora hesab te Verma toh COVID-19 bemari para mora ase koishe aro tai laga ghor manuh para final rites korishe, Mishra para koishe. “Hoilebi, Singh laga autopsy khobor hesab te alcoholic poison para morishe aro etu samai Paramar toh heart attack para morishe, etu nemite police para khobor toh loi ase koishe. Investigation kora hesab te, tin(3) jun manuh para modu putli homeopathy tawai loishe aro etu beche tai khan laga halat toh beya hoishe, koikena station house officer (SHO) para janaishe aro etu tai khan ke tawai loishe khobor toh persari ase. Etu neshina incident ekta te, May 4 aro 6 darik Bilaspur district laga bosti ekta te aro 9 jun manuh morishe, tai khan para  alcohol-based homeopathy tawai toh modu putli loishe, koikena police para janaishe.