New Delhi: Bharat Biotech para junaishe ke, COVID-19 vaccine ‘Covaxin’ toh 14 states te direct supply koribo etu pithor te Delhi aro Maharashtra samil thakibo aro kam toh May 1 darik para soruh hoishe, koikena company laga Joint Managing Director Suchitra Ella para junaishe. Hyderabad-based firm para COVID-19 elaj koriboli vaccine toh states te the central government logot khobor powa hesab te supply thiboli soruh hoishe. “Bharat Biotech para COVAXIN toh state te government laga hokom hesab te 1/5/21 darik para direct supply kori ase. Dosura states para be request toh paishe aro vaccine stocks te 24×7 thaka hesab te bakh koribo,” Ella para janaishe. Company para vaccine toh Andhra Pradesh, Assam, Chhattisgarh, Gujarat, Jammu & Kashmir, Jharkhand, Madhya Pradesh, Odisha, Tamil Nadu, Telangana, Uttar Pradesh aro West Bengal te supply kori ase. April 29 darik te Bharat Biotech para ‘Covaxin’ laga dham toh states nemite puila Rs 600 per dose para Rs 400 te komti hoishe koikena junaishe. Hoilebi, etu dham policy te besi kotha olai ase ke Covaxin toh central government ke toh Rs 150 per dose para bekai ase koishe. India para COVID-19 vaccination drive toh tangor kam othaikena 18 oper umer manuh logot vaccine toh May 1 darik para soruh hoishe.
Bharat Biotech para ‘Covaxin’ supply soruh
Add Comment