Kendriya Vidyalaya te Covid Care Centre bonaishe

May 10, 2021. Darrang district te tuita(2) Covid Care hospitals te Covid-19 bemari manuh elaj koriboli jaga komti howa nemite, district administration para aro Kendriya Vidyalaya Mangaldai toh Covid Care Centre ase koikena janaishe. Sunday din Darrang deputy commissioner para etu fesla lowa toh junai thishe. Covid-19 first wave samai etu school toh Covid Care Centre thakishe, Etu school te Class VI para loikena offline classes April 5 darik para soruh korishe, hoilebi summer vacation akhe te offline classes toh school teacher ke Covid-19 positive thura nemite aro April 21 darik te suspended korishe. Covid-19 cases besi othi-thaka nemite, Kendriya Vidyalaya Sangathan te summer vacation toh May 3 darik para soruh hoishe. Etu samai Mangaldai Civil Hospital laga Covid ward te 45 beds toh  sob Saturday din te bemari manuh para purta hoikena ase. Hospital laga purana building toh be Covid hospital bonaishe koikena Sunday din deputy commissioner para dosura notification te janaishe. Darrang district te Covid19 positivity rate toh 18.27% te ase. Saturday din district te Rapid Antigen Test (RAT) para 761 cases test kora te 139 notun Covid19 cases thurishe. Sob melaikena positive cases toh 1,752 aro etu pithor te 998 cases toh itya be active te ase.