Odisha te 1st ‘Black Fungus’ case thurishe

Bhubaneswar: Odisha te first case mucormycosis/ ”black fungus” kowa toh 71 umer Covid bemari manuh ek jun logot thurishe, tai toh diabetes bemar be ase koikena Monday din officials para janaishe. Etu bemar manuh toh Jajpur district para ase aro tai toh itya state capital laga sobse bhal private hospital te admitted hoikena ase. Tai ke anti-diabetic aro antifungal elaj kori ase koikena Director of Medical Education & Training laga Dr CBK Mohanty para janaishe. Bemari manuh laga nasal endoscopy hesab te turbinate ase koikena aro ENT surgeon Dr Radha Madhab Sahu para be koishe. Itya dak te bemar manuh toh bhal wala ase. Health and Family Welfare Department laga official statement te koishe ke, tai laga halat toh sai ase aro mucormycosis elaj toh state te be ase. Manuh ekta laga normal immunity te etu besi rare ase, koikena statement te koishe. Steroids, Tocilizumab, Itolizumab aro dosura tawai para COVID-19 bemari manuh laga lungs te inflammation komti hoi, hoilebi etu para aro immunity komti hoikena diabetic aro non diabetic bemari manuh ke blood sugar levels toh othai dey koishe. Tawai neshina Tocilizumab aro Itolizumab para he rokaboli ase hoilebi tu tawai toh be katara ase koishe.