India: Twitter para $15 Million donate korishe

May 11, 2021: Microblogging giant Twitter para India te second wave COVID-19 bemari halat nemite USD 15 million donated korishe. Monday din Twitter CEO Jack Patrick Dorsey para koishe ke, etu poisa toh tinta(3) non-governmental organisations – Care, Aid India aro Sewa International USA logot donated korishe. CARE logot USD 10 million thishe aro Aid India aro Sewa International USA logot USD 2.5 million thishe. “Sewa International toh Hindu faith-based, humanitarian, non-profit service organization ase. Etu poisa para lifesaving saman neshina oxygen concentrators, ventilators, BiPAP (Bilevel Positive Airway Pressure) and CPAP (Continuous Positive Airway Pressure) machines kena te motob koribo nemite ase aro etu para Indai logot COVID-19” campaign larai kora samai kamyaab bapo nemite ase,” koikena San Francisco-based company para statement te junaishe. “etu saman toh government hospitals aro COVID-19 care centers aro hospitals te supply koribo,” koishe. Etu te, Houston-headquartered Sewa USA te itya dak India te COVID-19 motob thibo nemite USD 17.5 million jama korikena ase. CARE toh duniyaa pura te dukh logot larai kora te sobse tangor  humanitarian organization ase. Twitter para koishe, USD 10 million para CARE laga urgent kam te motob korikena India te second wave COVID-19 bemari logot larai kora te kamyaab hobo. “etu funds toh government ke motob korikena temporary COVID-19 care centers bonabo, oxygen supply thibo, PPE kits aro dosura emergency supplies toh frontline health workers nemite thibo aro manuh khan logot vaccine deya te motob thakibo,” koishe. India toh itya coronavirus second wave para halat besi beya hoikena ase aro alag-alag states hospitals te health workers, vaccines, oxygen, drugs aro beds komti howa nemite besi dukh te ase koishe. 4 din wala te 4 lakh notun cases bhal hoishe, Monday din India te 1 din pithor te 3,66,161 COVID-19 cases thakishe, etu melaikena 2,26,62,575 cases koikena health ministry para janaishe. Etu bemari para aro3,754 manuh morishe, melaikena manuh mora 2,46,116 te othishe ase, ministry laga data hesab te janaishe.