Tirupati hospital te oxygen nathaka nemite 11 jun morishe

May 11, 2021. Delhi aro dosura states te Oxygen komti howa nemite Andhra Pradesh`s Tirupati, Ruia Hospital te oxygen supply beya hoi jowa nemite Covid-19 bemari manuh 11 jun morishe koishe. Hospital authorities para koishe ke, bemari manuh khan toh hospital te oxygen tanker ahiboli 5 minute thiri kora nemite mora ase. Hoilebi, jolti para oxygen supply bona kotom kora nemite besi tangor kam hoishe, koikena official para koishe. Etu hospital te hazar bemar manuh elag kori ase, etu samai ajanak te oxygen supply beya hoishe. Doctors khan para oxygen lakai bemar manuh khan ke CPR thiboli jujus kori thakishe aro bemari ghor manuh khan para cardboard piece para fan mari thakishe, koikena Zee News para khobor thishe. Etu incident nemite inquiry jai ase. Andhra Pradesh Chief Minister Y.S. Jaganmohan Reddy para etu incident howa nemite report thiboli janaishe.