Goa court para Tarun Tejpal case May 19 te postponed

 New Delhi: Wednesday din te Goa sessions court para former editor-in-chief news magazine ‘Tehelka’,  Tarun Tejpal oper te sexual assault kelaaf te case jai thaka toh May 19 darik te fesla toh janai thibo koikena postponed korishe. North Goa laga Mapusa District & Sessions Court para koishe ke, Covid-19 halat nemite staff komti howa nemite fesla toh thiri hoishe. 2013 saal te Tejpal para ek jun logot rape kora nemite thurikena ase. Etu laga akhe din April 27 darik te fesla thiboli list te thakishe, hoilebi court para aro Wednesday din te postponed korishe. November 2013 saal case te Tejpal toh trial jai ase, etu samai maiki 1 jun para tai logot Goa te five-star hotel lift pithor te rape korishe koikena janaishe. November 30, 2013 saal te tai ke thurishe aro olop din beche bail para olaishe. February moina 2014 saal te aro Goa Police Crime Branch para Tejpal oper te 2,846-page chargesheet filed korishe. Tejpal logot trail loi thaka toh sections pithor IPC Sections 341, 342, 354 354A (sexual harassment), 354B , 376 (2)(f) (aro 376(2)(k) ase koishe. Jodi Tejpal para kalti kam korikena thakile, court para cases toh honikena sajai junai thiboli ase koishe.