May 14, 2021. Thursday din te Union Ministry of Health and Family Welfare (MoHFW) para koishe ke, Northeast state pithor te Assam aro Manipur states te Covid-19 bemari cases toh itya besi othi-ase. Kerala, Tamil Nadu, West Bengal, Odisha, Punjab, Himachal Pradesh aro Puducherry state toh India pithor te hotai din cases othi-thaka khobor ase. Hoilebi, Northeast states sob te active cases toh 50,000 neje te ase. Health ministry laga statistics hesab te koishe ke, April 30 darik Assam te active Covid number toh 2,694 thakishe, hoilebi itya 5334 te othikena ase. Etu neshina April 30 darik Manipur te Covid cases toh 205 para 526 te othishe. Hoilebi, Northeast te active cases laga number toh besi ocha te nahoi, hoilebi hotai din cases othi-ase, koikena health ministry laga joint secretary, Luv Aggrawal para kohobor toh janaishe. Etu samai, Dr. VK Paul, member, Niti Aayog par koishe ke, August aro December moina pithor dak te 8 companies oper te Bharat Biotech aro Serum Institute of Indian (SII) melaikena 2 billion doses vaccines bonaikena Indian population logot thiboli ase koishe. Dr. Paul toh national task force Covid19 laga chairman be ase, tai para koishe, August para December moina pithor te aro dosura 216 crore doses bapoli ase. Tai koishe, etu samai, 75.0 crore Covishield vaccine toh paijabo aro etu beche 55.0 crore Covaxin, 30.0 crore Bio E Sub unit vaccine, 05.0 crore Zydus Cadila DNA vaccine, 20.0 crore SII – Novavax, 10.0 crore Bharat Biotech’s nasal vaccine, 06.0 crore Gennova mRNA vaccine aro 15.6 crore Sputnik vaccine bapoli ase koikena khobor toh janaishe.
Add Comment