CM: Dibrugarh aro Tinsukia te curfew 2 gonda aro othaboli koishe

DIBRUGARH:  Saturday din te Assam Chief minister Himanta Biswa Sarma para uppepr Assam te jaikena COVID halat saishe aro tai para Dibrugarh aro Tinsukia districts deputy commissioners logot curfew laga samai toh aro tui(2) gonda othaboli janaishe. Dibrugarh aro Tinsukia districts te coronavirus second wave toh besi beya halat te jai ase koishe. Saturday din te Chief minister Himanta Biswa Sarma para aro Covid-19 halat toh sabo nemite Assam Medical & Hospital (AMCH) visit korishe. “ami para DC Dibrugarh logot Dibrugarh district te citizens aro tangor business manuh logot kotha korikena aji sam para May 17 darik curfew thakiboli janaishe, aro deputy commissioner para etu fesla kam toh koribo,” koikena chief minister para janaishe. Olop din akhe te chief minister para Tinsukia laga district hospital be visit korishe aro COVID bemari manuh facilities nemite kotha koishe. Tai para aro deputy commissioner logot meeting korikena hotai din 500 RT-PCR tests, 2000 screening, hokom kara koriboli aro curfew laga samai toh tui(2) gonda aro othaboli koishe. “ami logot Union Minister Rameswar_Teli, Minister Sanjoykishani aro MLAs jaikena district hospital Tinsukia visit kora samai, COVID19 bemari manuh nemite ICU beds, oxygen thakiboli janaishe aro doctors khan logot bhal para elaj koriboli janaishe,” koikena chief minister para koishe.