CM Banerjee laga bhai Ashim Banerjee covid para morishe

May 15, 2021. West Bengal chief minister Mamata Banerjee laga bhai, Ashim Bandhopadhay toh Saturday pujur Covid-19 bemar para morishe koishe. Khobor hesab te Bandhopadhay toh 1 moina neshina Covid-19 para bemar hoi hoikena Kolkata Medica Hospital te elaj kori thakishe. Bandhopadhay laga last saman deya toh Covid-19 hoshari neum te thakiboli ase, koikena khobor para aro janaishe. Etu samai, West Bengal te 1 din pithor te bemari cases sobse besi otha toh 20,846 notun COVID-19 cases thurishe, etu melaikena 10, 94,802 hoikena ase. Friday din West Bengal te COVID-19 para aro 136 notun manuh moara khobor paishe, etu melaikena 12,993 morikena ase, koikena state health department para khobor toh janaishe.