May 16, 2021. Sadou Asom Karmachari Parishad secretary general Mrinal Das toh Saturday pujur 4 am samai Gauhati Medical College Hospital (GMCH) te Covid-19 bemar para morishe koishe. Tai laga umer toh 55 thakishe. Mrinal Das toh Baksa district, Tamulpur jaga laga ase, tai toh actor aro cultural activist be thakishe. Tai toh besi serious bemar howa nemite GMCH hospital te admitted kora toh ek hafta oper hoishe aro etu samai hospital te Covid-19 positive thurishe. Tai toh late Rajanikanta Das aro late Renuka Das laga bacha ase aro tai logot heart ailment aro diabetes bemar be thakishe. Mrinal Das, student thaka samai Tamulpur te alag-alag social organizations aro institutions te samil hoikena thakishe. Tai toh Tamulpur Anchalik Students’ Union laga former general secretary, All Nalbari District Students’ Union laga former assistant general secretary aro Tamulpur Junior Progressive Club toh tai para kula ase koishe.
Tai namora akhe te, Tamulpur Mahakuma Rangali Bihu Sanmeelan, Tamulpur Srimanta Sankardev Sakha Satra, Tamulpur Anchalik Hari Mandir, Tamulpur District Sports Association, Tamulpur Sakha Sahitya Sabha, Asom Gana Parishad aro Assam Natya Sanmeelan te samil thakishe. Etu oper te tai para Assamese serials aro films besi act korikena ase koishe. Tai laga popular television series toh ‘Khiriki Mukhor Alohi’ aro tai para in ‘Sameeran Baruah Ahi Ase’, ‘Suryasta’, ‘Barashi’, ‘Dhuniya Tirotabor’, ‘Ji Golpor Xekh Nai’, ‘Xonor Kharu Nalage Muk’, te act korikena ase. Tai para aro alag-alag Assamese telefilms te be act korishe. Mrinal Das para Tamulpur laga alag-alag institutions te besi tangor kam korikena ase aro tai toh Nagrijuli Development Block te accountant (in-charge) neshina kam kori thaka ase koishe. 2020 saal dak tai Tamulpur District Karmachari Parisad te president korikena ahishe. Tai laga saikena Tinsukia te Conference of Sadou Asom Karmachari Parisad samai secretary general laga post thishe. Tai para Sadou Asom Karmachari Parishad laga secretary general lowa beche tai state employees nemite kam kori thakishe. Tamulpur laga manuh aro dosura organizations para tai mora oper te besi tangor saman korishe. Tamulpur Bidhan Parishad of Asom Gana Parisad aro alag-alag organisations aro institutions para be mon dukh kora janaishe. Organisations para Das nemite shanty te thakibo nemite parthana korishe aro ghor manuh logot mon dukh howa toh janaishe. Das para jarikena jowa manuh toh tai laga maiki, tuita(2) bacha, ghor manuh aro tai laga sathi besi ase.
Add Comment