Arunachal Pradesh te ek jun thurishe

ITANAGAR | October 3, 2018:Saturday din  Lower Diabang Valley district laga  Parbuk area te police khan pora  Bhaijan Ali (38)  ke thurishe .Etu bi manu khan ke dawoi khan khilaikena   saaaman khan chor kura nimete. Investigation Officer (IO),  Inspector Padi Nikang pora  khobor  te koishe ki tai khan pora ekta bag 8 ta bottle fruit juice paishe aro  78 suspected psychotropic drug tablets  thuri paishe etu manu laga haath pora .Ekta bottle fruit juice dhakana olai kena thaka tai laga haath pora aro etu toh  forensic examination nimete luijabo Kolkata, West Bengal, te etu thurikena thaka dawoi logote.Khobor te janishe ki etu dawoi toh Dimapur pora aha ase.Police khan june moina pora hi Ali bisari thakishe .Etu pichede  Vijay  Tayeng pora ekta FIR kurishe.Etu complaint kura manu koishe tai laga baba ke behoos hoikena paishe   Meka te manu khan berai thaka pora kun pora tai ke district hospital te luijaishe   .Tin din treatmenrt luwa pichede hospital te etu bura manu uthise .Saturday te 10am nishena te  IRBn constable Atsol Perme, Shantipur check gate te thaka time te  etu manu ke chinishe kile koile tai pora eki shirt lagaikena thaka kanre CCTV footage te dikha nishena .Ali ke  IPC laga  Section 392/328 bithor te booked kurishe aro police custody te rakhikena  ase chan bin kuribole nimete.Etu pura chan bin kura toh  SP Sanjay Kumar Sain pora kura ase .