Geneva: Monday din te World Health Organisation (WHO) para junaishe ke, Covid-19 bemari soruh hoikena jowa saal para loikena 1,15,000 health aro care workers khan Covid para morikena ase, tai khan para jaan besi sacrifice korikena ase koishe. “ami khan para hesab kora te ,15,000 health aro care workers khan para dosura manuh nemite service thishe. Health aro care workers para heroic kam korishe hoilebi tai khan toh superheroes nahoi, tai khan be ami khan neshina manuh he ase. Besi manuh jaan pachabo nemite saman neshina personal protective equipment aro vaccines nathaka nemite mon shanty nai,” koikena WHO Director-General Tedros Adhanom Ghebreyesus para WHO laga 74th World Health Assembly (WHA) opening samai janaishe. 74th WHA toh May 24 darik para June 1 darik dak online te thakiboli ase. “tai khan oper te ami khan baki besi ase, etu oper te health aro care workers nemite protection, equipment, training aro pay toh komti ase. Jodi healthier, safer aro future bhal hoboli mon hoile, states sob aro health aro care kam toh joldi te bhal korikena pachabo lage,” Ghebreyesus para aro koishe. Tai besi mon dukh para koishe ke, jowa 18 moina para loikena aji dak te besi healthcare workers laga jaan jaishe aro bemari jai thaka dak aro besi manuh jaboli ase koishe. Itya samai laga halat kotha kora te, Ghebreyesus para koishe ke, aha tin(3) hafta pithor te jowa saal manuh morikena thaka logo toper wala hoboli ase. “aji pujur ami khan laga Health Assembly soruh howa beche Covid-19 bemar para 1,000 manuh laga jevan jaishe, etu halat samai ami etu kotha toh koboli olaishe aro 400 neshina moribo. Healthcare workers khan laga kam nemite besi kushi junai ase, “aji ami tumi khan logot silence thakiboli kowa nahoi, hoilebi parai dak sobse tangor awaaz thibe. Morom para ami logot melikena hath clap koribi aro hala korikena theng para mathi te joikena health aro care worker khan nemite.”
