May 25, 2021. Extortion kam besi jai thaka nemite aro khobor powa te Indian Army para anti-extortion kam soruh kora te Deomali circle Tirap district pithor te banned militant outfits NSCN-KYA laga tin(3) jun manuh ke Monday din Digboi Battalion pithor te Spear Corps wings of Indian Army para Deomali –Namsang jaga te thurishe koishe. NSCN-KYA laga ground worker nam toh Windup Aeyen Sawin (55) umer, Soha bosti para ase. Tui(2) jun linked thaka manuh toh Moidam (40) umer, Soha bosti aro aro Jotoan Socia (35) umer Shiko bosti, Khonsa osor Tirap District para ase koishe. Indian Army laga khobor hesab te etu mauh khan ke thura oper te saman be hath te thakishe koishe. “etu manuh khan para Arunachal Pradesh laga Tirap district te NSCN KYA group SS Capt Rocky Thapa para loikena bosti manuh khan logot poisa othai thakishe”, koikena Army para janaishe. Tinta(3) bosti- Old Khatang, New Khatang aro Lausa te sob melaikena 53,200 poisa othaikena thaka toh tai khan hath para thurishe. “etu operation para bosti manuh ke dukh deya te tangor kamyaab hoishe aro tai khan logot local police authorities aro bosti manuh para kushi powa janaishe,” Army para koishe. Etu thura manuh khan toh Deomali Police Station te aro investigations nemite thishe.
Add Comment