Agencies, 25 May: Israeli Prime Minister Benjamin Netanyahu para dawa korise judi 11 din larai te kothom kora ceasefire te Hamas para beya korise koile ektum gara jawab debole nemite.
Netanyahu para etu kotha toh Tuesday te West Jerusalem jaga te American Secretary of State Antony Blinken logote joint press conference samai koise. Antony Blinken toh region te ceasefire agreement te othabo (boost) nemite aha ase.
Israeli prime minister para United States ke dhanyabad korise kelay koile gondogol samai Israel laga right self-defence te support kora nemite. Gaza te Israeli air hamla te komti hoilebe 248 Palestinians mora te 66 bacha khan melikena ase koise.
Komti hoilebe 12 Israeli te tuita bacha melikena mora toh Hamas para rocket hamla kora te thakise koise
Netanyahu “Ami khan be ami khan laga wada self-defence te meaning debo. Judi Hamas para shanti beya kori aro Israel te hamla kori koise ami khan laga jawab ektum gara hobo” koise.
Blinken para US toh Gaza aro-bonabo nemite international aid te kaam koribole koise hoilebe etu te Hamas laab nahobo koise.
Blinken para tai khan laga sob partners logote melikena kaam koribo aro motob debole bona para Hamas ke laab nahobo nemite ensure koribo koise.
Secretary of state para tai region te aha toh four fold te thakise koise: “United States laga wada Israel laga security te demonstrate koribole; besi thek para thakibole opor te kaam suru koribole aro West Bank aro Jerusalem te tension namabole; Gaza te Palestinian manu ke laab pabo nemite joldi motob lakiya aro reconstruction motob te support koribole; aro Palentian manu aro Palestinian Authority logote sumbaan (relationship) aro-bonabole”.
Blinken para be besi Israel-Palestine peace process bonabo nemite force kori thaka putli besi putli nemite koise. Blinken para tai khan gondogol ola te rokhabole jani koise aro issues aro challenges thaka te sabo nemite space bona te jolabo laki koise. Aro etu Gaza te serious humanitarian situation te sabole aro bonabole logote suru ase.
Tai para Palestinians nemite private sector gara korikena aro trade aro investment dangor korikena opai dangor koribole measures nemite koise.
Tai para be ami khan biswa ase Palestinians aro Israelis phal para thakibole aro eki freedom aro opai aro democracy te kushi manibo nemite koise.
Etu kotha para human rights advocates ke satisfy nahobo nesana ase kelay koile poila larai samai te US ke par par kowa thakise Israel laga action Gaza kelaaf te condemn koribole nemite.
US para par- par United Nations Security Council joint statements te bondh kora thakise larai samai ceasefire nemite mata te.
Blinken para be konbah US legislators para Israel ke military aid aro hatiyar bekha te rokhabole/kothom koribole kowa te jawab nadiya thakise. Tuesday te Natanyahu para US laga wada Israel’s Iron Dome air defence system te aro-bhota koribole opor te kushi powa janaishe.
Add Comment