New Delhi: Mucormycosis cases toh India laga desh pura te pheli thaka nemite, Thursday din Prime Minister Narendra Modi para duniyaa alag-alag jaga te thakia Indian missions khan logot meeting te Amphotericin B tawai toh paboli kam koriboli janaishe. Etu tawai toh black fungus bemar nemite alaj kori koishe. News Agency ANI para government laga khobor janai deya te, “India laga Prime Minister Narendra Modi para officials khan ke duniyaa kaun toh desh te etu tawai toh ase aniboli junaishe. Duniya sob jaga te Indian missions khan para etu tawai toh paboli lage. Etu tawai toh USA te Gilead Sciences laga motob te bapo koishe. Eut samai Thursday din Maharashtra-based Genetic Life Sciences para Amphotericin B Emulsion injections toh bona soruh hoishe aro etu tawai toh mucormycosis nahoile black fungus bemari nemite elaj samai bhal ase koishe. Union Minister Nitin Gadkari’s office para koishe ke, itya dak etu tawai toh kali ekta company para bonai ase. Ekta injection laga daam toh Rs 1200 thakibo aro Monday din para bakh kora soruh koriboli janaishe. India te itya dak mucormycosis bemar toh 11,717 cases thurikena ase aro sobse besi cases toh Gujarat, Maharashtra aro Andhra Pradesh te thurikena ase. Maharashtra te itya dak 2,770 cases khobor paikena ase aro Gujarat te 2,859 cases aro Andhra Pradesh te 768 cases hoiken ase koishe.
