Bharatpur: Rajasthan laga Bharatpur jaga te jowa kali doctor couple ke tai khan laga gari pithor te gooli para mari thishe koishe. Etu samai tui(2) jun manuh city te bike te ahikena gooli para tui(2) jun doctor ke moraishe. Etu incident toh CCTV footage te thikishe koishe. Etu incident toh Friday din 4.45 pm samai thakishe. City crossing te etu tui(2) jun manuh para toh couple laga gari oper te jaishe, etu beche tai jun couple osor te perai jaishe. Couple motha para gari laga glass toh neji kora samai etu manuh khan para gooli marikena bike para etu jaga toh jarikena jaishe koishe. Police laga khobor hesab te etu khani toh revenge lowa laga ase koishe. Khobor hesab te tui(2) saal purana cases ekta te etu couple laga motha logot maiki ek jun relationship thaka nemite hoboli pareh koishe, etu samai te chokuri maiki toh be morai thikena ase. Kaun manuh para couple logot gooli marishe etu manuh toh mori jowa maiki laga bhai thakishe koishe. Doctor laga maiki aro ama toh be etu case te samil hoikena ase koishe.
