NEW DELHI, OCTOBER 3 : Justice Ranjan Gogoi aji 46th Chief Justice of India hobole kossom khaise. Aro tai etu Top position, Chief Justice nemite 13 moina nemite hobole ase. Aro tai Novembet 17, 2019 te rokhijabole ase koise.
Etu Ranjan Gogoi toh Assam, Northeast state pora ase. Aro tai toh Northeast states pora Chief Justice of India nemite hua ahkete tai hui ase. Aro tai Chief Justice hua toh purana Justice Dipak Misra toh etu Chief Justice laga kaam pora October darek 2 te hatijaa pora hui ase koise.
Etu Notun Chief Justice Ranjan Gogoi toh Assam state laga Dibrugarh pora ase aro tai November 18, 1954 sal te junum hua laga ase. Etu Ranjan Gogoi toh purana Assam Chief Minister Keshab Chandra Gogoi laga moda bacha ase. Aro tai 1978 sal porahi Advocate nemite thaki kena aha laga ase. Etubi Assam laga Gauhati High Court te porahi Constitutional, taxation aro Company chamala kan nemite sheki kena. Etu bejete tai Gauhati High Court te hutai nemite Judge karne huijaise. Etubi February 28, 2001 sal pora. Etu bejete aro September 9, 2010 sal te tai toh Punjab aro Haryana High Court laga Judge nemite bataidese. Aro tai February 12, 2011 sal te etu Punjab aro Haryana High Court laga Chief Justice nemite huijaise. Etu bejete hi tai India desh laga Top Court (Supreme Court) te April 23, 2012 sal pora Judge nemite hua laga ase koise.
Add Comment