DIMAPUR, OCTOBER 3 : Advisor for Social Welfare, Home Guards aro Civil Defence, Noke Wangnao toh tai laga Department Officials kan logot eke pora melekena Wednesday din Union Minister for Women aro Child Development Maneka Gandhi ke Shashtri Bhawan, New Delhi te lok kurise.
Kotha kura time te Advisor Noke pora Central Sorkar ke ami kan Nagaland te Child Adoption Centres, Destitute Children Rehabilitation Centre, Old Age Home aro tusera kan banabole karne motub manga janaise. Etu ke Union Minister Maneka pora Nagaland state Capital te ekta master plan project hisabte hi motub kuribole kuribo koi kena janaise kosie. Maneka porabi State Sorkar ke ekta hisabte hi sob melekena DPR toh Child Adoption centre, destitute children, old age home, molestation or rape victim centre kan nemite debole kuribi (send) koi kena janaise koise.
Etu din te hi olop thaki kena Advisor Noke bi Union Minister for Social Justice aro Empowerment Thaawarchand Gehlot ke Shastri Bhawan, New Delhi te lok kurise. Aro Departmental Activities aro ami kan state te Project kan banabole suru kura kan nemite kotha kurise koise. Aro Advisor Noke porabi tai laga Ministry bitorte Union Minister Gehlot ke Central Sorkar laga naam pora motub kuribole kuribi koi kena janaise koise.
Etu kan sob ke Union Minister Gehlot pora tai kan Central Sorkar pora Nagaland state ke ki huilebi sob motub kuridebo koi kena janaise. Aro Union Minister Gehlot porabi tai Nagaland state te aha sal 2019 February moina phale ahebole kuribo koi kena janaise koise.
Add Comment