May 30, 2021. Sunday din India te black fungus elaj koriboli nemite AmBisome (Amphotericin B injection) tawai toh 200,000 pongchise. “aro dosura tawai AmBisome, Black Fungus elaj nemite joboli @GileadSciences para deya toh be pongchise. Itya India te sob melaikena 200,000 doses toh hath te ase, aro besi tawai ahiboli ase,” koikena United States te Indian Ambassador, Taranjit Singh Sandhu para khobor toh janaishe. Mucormycosis toh black fungus koikena nam para be jani ase, etu bemar toh India laga gaga te besi phile ase aro etu bemar toh besi wala COVID-19 bemari manuh logot steroids elaj lowa nemite ase koishe. India laga state beche te black fungus toh epidemic bemar junai thishe. Madhya Pradesh, Rajasthan, Uttarakhand, Tamil Nadu aro Bihar te Epidemic Act 1897 junaikena ase. Prime Minister Narendra Modi para officials khan logot tawai toh duniaya kaut para hoilebi aniboli janaikena ase. “PM para officials ke duniya kaut toh jaga te tawai ase aniboli koishe. Duniya pura te Indian missions thaka khan ke tawai toh supply thiboli koikena ase. Etu tawai toh Gilead Sciences, USA laga motob te anikena ase,” koikena khobor para junai thishe.
Add Comment