J&K: terrorist hamla te tuita(2) civilians morishe

New Delhi: Jammu & Kashmir te terrorists para tui (2) jun civilians logot gooli marikena morai thishe. Detail khobor hesab te etu incident tohAnantnag’s Jablipora, Bijbehara te howa ase koishe. Mora manuh tui(2) jun laga nam toh Shahnawaz Ahmad Bhat aro Sanjeed Ahmad Parray thakishe koishe. Sanjeed toh jokom powa nemite te morishe aro Shahnawaz toh Sher-i-Kashmir Institute of Medical Sciences (SKIMS), Srinagar te loikena jaishe koishe. “aji (Saturday) evening te terrorists khan para gooli mara te tui(2) jun manuh Shahnawaz Bhat aro Sanjeed Parray ke Bijbehara, Anantnag jaga te hoishe. Tai jun ke hospital te loikena jaishe hoilebi doctor para Sanjeed toh morishe koikena janaishe. Dosura jokom powa ke SKIMS, Srinagar te loikena jaboli janaishe. Etu jaga te itya terrorists ke thuriboli nemite bondh korikena ase,” koikena kbobor toh Kashmir Police Zone para koishe. Khobor notun powa te “dosura jokom paikena hospital te loikena jowa toh be morishe koishe. Police para etu terror incident nemite investigating kori ase”, koishe.