Manipur militants 3 jun Myanmar te morishe

May 30, 2021. Manipur te People’s Revolutionary Party of Kangleipak (PREPAK) laga tinta(3) top leaders khan Myanmar te larai kora te morishe, koikena khobor para janaishe. Myanmar Chin province te larai kora samai PREPAK’s ‘acting chairman’ Khumujam Ratan, ‘organisation secretary’ Mayengbam Joychand aro dosura leader Rajkumar Ramananda, etu leaders khan toh morishe koishe. Jowa hafta tai khan laga body toh jungle jaga te rupai-thishe koishe. Etu tinta(3) leaders khan ke dosura leader, Aheiba Angom laga hokom te morai thishe, etu manuh khan para group laga funds Rs 5 crore neshina chor kora nemite ase koishe. Etu manuh khan pithor te poisa nemite te toh inquiry kora beche mari thishe koishe. Etu khobor lokaboli nemite Angom para etu tin(3) jun leaders khan toh May 23 darik rasta accident te morishe koishe. Tai khan laga body toh rankang para othaishe aro camp te anikena last rites loishe koishe. Hoilebi, itya khobor toh janishe ke PREPAK leaders khan ke toh nejor group manuh para morai deya ase koikena officials para janaishe.