New Delhi: Monday din te Union health ministry para janaishe ke, India laga desh pura te COVID-19 vaccine doses toh 21.58 crore loikena ase. Khobor para koishe ke 18-44 umer manuh 12,23,596 logot 1st dose thishe aro Monday din te 13,402 logot COVID vaccine 2nd dose thishe koishe. Sob melaikena India pura te 2,02,10,889 manuh ke 1st dose thishe aro phase 3 vaccination drive samai 23,491 manuh ke 2nd dose thikena ase, koikena ministry para janaishe. Bihar, Delhi, Gujarat, Haryana, Karnataka, Madhya Pradesh, Maharashtra, Rajasthan, Tamil Nadu, Uttar Pradesh aro West Bengal te 18-44 umer dak khan toh 10 lakh oper logot 1st dose COVID-19 vaccine loikena ase. Sob melaikena COVID-19 vaccine doses toh 21,58,18,547 manuh logot 7pm samai dak te thikena ase, ministry para aro janaishe. Sob melaikena 21,58,18,547 te 98,83,778 manuh toh healthcare workers (HCWs) logot 1st dose vaccine thishe aro 67,87,633 HCWs para 2nd dose toh loikena ase, etu oper te 1,56,67,311 frontline workers (FLWs) para 1st dose loishe aro 85,21,965 FLWs para tai khan laga 2nd dose vaccine loikena ase. Ministry para aro koishe ke, 18-44 umer pithor te 2,02,10,889 manuh para 1st dose vaccine loishe aro 23,491 logot 2nd dose thishe. Etu jarikena aro 45-60 umer khan 1st dose lowa toh 6,64,02,012 manuh ase aro 1,07,15,693 manuh para 2nd dose vaccine loikena ase. Etu samai 60 umer 5,88,31,736 manuh para 1st dose loishe aro 1,87,74,039 manuh para 2nd dose loikena ase. Ministry para aro janaishe ke, vaccination drive soruh hoikena 136 din wala te sob melaikena 25,52,501 vaccine doses thikena ase. Aro koishe ke, 22,75,324 para 1st dose loishe aro 2,77,177 para 2nd dose loikena ase, koikena etu khobor toh provisional report laga 7pm samai dak te janaishe. Final report toh rathi te kotom hoboli ase, koikena ministry para janaishe.
Add Comment