Assam aro Tripura ke 50 vials Amphotericin-B thishe

June 1, 2021. Monday din te Union Minister for Chemicals and Fertilizers DV Sadananda Gowda para janaishe ke, Assam aro Tripura te black fungus (Mucormycosis) bemar logot larai koriboli nemite Amphotericin-B drugs toh 50 vials etu tuita(2) states logot thishe koishe. Etu melaikena 100 vials tuita(2) Northeastern states logot deya toh, Monday din te States, UTs aro Central Institutions logot 30100 vials Amphotericin-B drugs deya te samil ase koishe. Jowa hafta, Ministry para aro extra 29,250 vials Amphotericin- B drug, mucormycosis  bemar elag te jowa toh States aro UTs kaun jaga te bemar cases khobor ase etu desh logot thikena ase koishe. Hoilebi, olop din akhe Central government para koishe ke, black fungus (Mucormycosis) case toh Assam state te thura nai, etu oper te Tripura State te ekta(1) bemari cases khobor paishe. Chemicals & Fertilizers laga statistics hesab janaishe ke, Assam States te black fungus case toh nai. Khobor ekta Guwahati te 27 umer manuh Nagaon district te black fungus bemar para mora khobor thakishe. Etu manuh laga nam toh Pal Moni Bora, Dhing jaga para tai ke Covid related rhino-cerebral-mucormycosis thurishe, etu oper te tai toh diabetic ketoacidosis aro dosura bemar besi thaka nemite morishe koishe. Etu tawai deya toh bemari manuh thaka number hesab te elaj koriboli dey. Itya dak desh pura te 11,717 cases neshina thurikena ase. Government statistics para koishe ke, sobse besi mucormycosis cases toh Gujarat (2859) te ase, etu oper te Maharashtra (2770), Andhra Pradesh (768), Madhya Pradesh (752) te ase koishe. Union Health Ministry para mucormycosis  bemar toh serious para desh pura healthcare system te sai ase. Centre para state governments ke mucormycosis bemar toh janai thiboli koikena ase. Union Health secretary Rajesh Bhushan para sob State aro UTs logot mucormycosis toh desh laga bemari ase junaboli koishe. Tai para koishe, etu bemari para dosura bemar thaka manuh oper te pheli aro  Covid-19 bemar manuh morai ase koikena janaishe.