Meghalaya coal mine te 6 jun pasina ase

June 1, 2021. Meghalaya’s East Jaintia Hills district te, komti hoilebi Assam para 6 jun miners toh coal mine pithor te pasina ase nahoile morikena thakibo pareh koishe. Khobor hesab te etu incident toh Sunday din district laga Umpleng jaga te howa ase koishe. “SP Silchar laga khobor hesab te Assam para 6 jun manuh khan toh East Jaintia Hills laga coal mine te pasina ase,” koikena etu khobor toh Monday din Meghalaya Police para junaishe. East Jaintia Hills Superintendent of Police (SP) Jagpal Singh Dhanoa para koishe ke, tin(3) jun miners pithor te tui(2) jun Assam State para ase aro 1 jun miner toh Tripura para ase koishe. Etu manuh khan laga nam toh Abdul Karim, Boko bosti, Abdul Kalam, Barpeta bosti aro Shyamcharan Debbarma toh Tripura para ase koishe. “eye witness laga khobor hesab te, dynamite puta nemite 5 jun manuh toh mine pithor te paani ola te pasishe,” koikena SP Dhanoa para janaishe. “sobse tangor kaulti kam kora toh Nizam Ali para labourers paisna thaka te motob kora nai. Nizam Ali aro dosura manuh khan ke thamki thishe aro dosura pachai manuh khan ke etu jaga para jai jaboli,” koishe. Eyewitness laga khobor hesab te Khliehriat Police Station te FIR registered korishe. Cachar SP Vaibhab Nimbolkar Chandrakant para koishe ke, tai khan logot khobor toh Monday din te paishe. “ami khan logot khobor powa toh hoile 5-7 kam kora manuh laga body toh 500 feet nehina pithor te fasikena ase,” koishe. Assam’s Director General of Police Bhaskar Jyoti Mahanta para koishe, Cachar police ke East Jaintia Hills counterpart logot khobor toh loikena kam koriboli janaishe.  Etu saal January moina te be Assam para 6 jun cola mine te kam kora manuh khan East Jaintia Hills district te morikena ase. Etu 6 jun coal miners toh machine te kam kori thaka samai 150 feet neji te kerishe koishe. December 2018 saal te be komti hoilebi Assam para 17 miners khan coal mine te illegal mining kora samai morishe koishe.