Sikkim te lockdown aro June 7 dak othaishe

GANGTOK: Monday din Government of Sikkim para high-level COVID review meeting thakina State te jai thaka lockdown toh aro June 7 darik dak othaishe koishe. Etu meeting toh Chief Minister Prem Singh Tamang laga chairmanship pithor State te COVID halat saikena lockdown thaka samai konuba kam toh exemptions kori thishe koishe. Exemptions kora pithor te ration arp vegetable dukan laga samai toh revised korikena 7 am para 12 pm dak kula thakibo. Etu oper te GPUs te agricultural kam toh jai thakibo aro etu samai PMGSY pithor te construction kam, Sikkim Garib Awaas Yojana aro dosura centralised activities pithor te local labourers nemite kam jai thakibo. Meeting thaka samai, Chief Minister para COVID halat nemite kotha korishe aro Health Department logot kam updates koribo janaishe aro state pura te COVID relief saman supply koriboli koishe. Dosura kam te government para vaccination kam aro centre logot extra vaccine doses mangkiboli fesla korishe.