Nagpur: Black Fungus para 17 morishe, 51 notun cases

Nagpur: Nagpur te 48 gonda pithor te Black Fungus/ Mucormycosis  bemar para komti hoilebi 17 manuh morishe aro 51 notun Mucormycosis cases thura khobor paishe koikena khobor para janaishe. India laga states pithor te Nagpur district te Black Fungus bemari para manuh bemar thaka toh sobse besi hoikena ase. Etu samai, Nagpur division laga khobor hesab te, itya dak te 1,325 cases thurikena ase aro district ekla te 1,122 cases thurikena ase. Nagpur te hotai din 20-25 cases thuri ase koishe. Etu bemari nemite komti hoilebi 900 manuh neshina surgery korikena ase, etu pithor te 839 manuh toh Nagpur para ase. Itya dak Nagpur te Mucormycosis bemar para 566 manuh bhal hoikena ase. Maharashtra te Amphotericin B injection toh komti hoi ase, etu tawai toh anti-fungal ase aro etu bemari nmeite elaj kora tawai ase. Tuesday din te Food & Drug Administration Minister Rajendra Shingane para koishe ke, Mucormycosis cases otha nemite bapana ekla nahoi, hoilebi state te aro Amphotericin B vials supply komti thaka nemite tangor bapana ase. “state te 20,000 vials neshina demand ase, hoilebi Centre para Amphotericin B, 5,900 vials deya ekla toh komti ase,” koikena Dr Shingane para janaishe. Chief Minister Uddhav Thackeray para state manuh logot junaishe ke, itya ami khan osor te notun satan ekta logot larai kori ase. Ami khan laga doctors kotha hesab te main bemar toh steroid jola para ase, etu nemite Task Force khan para kam toh saikena jai ase koishe