New Delhi: Wednesday din te Delhi government para junaishe ke, national capital te June 5 darik para tree plantation drive toh World Environment Day din samai soruh hoikena jabo. Etu khobor junai deya te, Delhi Environment Minister Gopal Rai, koishe ke government para etu saal 33 lakh saplings neshina plant koribo aro etu te tangor aro chotu trees toh pollution nemite plant koriboli janaishe. “jowa saal, centre para city ke 15 lakh saplings plant koriboli target thishe aro 32 lakh saplings plant korishe. Etu saal be centre laga target toh 18 lakh saplings palnt target thishe, hoilebi Delhi Government para komti hoilbeli 33 lakh saplings plant koriboli fesla korishe,” koikena Wednesday din Rai para press conference thaka samai junaishe. Minister para aro koishe ke, Covid bemari samai trees nathaka nemite oxygen komti howa janaishe. “ami khan sob para thiki ase ke Delhi te oxygen toh bemari samai komti hoi ase etu nemite government para etu kam toh bhal para othaboli kujus kori ase. Covid cases komti hoi thakilebi, kali ekta permanent rasta toh oxygen problem toh trees plant koribo laki. Ami khan para etu kam toh June 5 darik para soruh koribo”. Rai para koishe ke, Delhi te nurseries saplings toh free para bak koribo aro immunity boosting powers samil thakibo. “Boosting immunity toh Covid bemari samai important ase. Hotai saal ami khan laga nurseries para plants toh free para bak kori. Ami khan para aro trees neshina giloy, aloe vera, curry leaves, sahjan, tulsi etc toh plant korikena ase. Etu trees toh nurseries ghor te paijabo. Jowa saal etu neshina kam te 6.6 lakh plants bak korishe,” koishe.
Add Comment