Assam CM Sarma aro PM Modi Delhi te meeting

June 3, 2021. Wednesday din te Assam chief minister Himanta Biswa Sarma para Prime Minister Narendra Modi ke New Delhi te lok paishe koishe.  “jowa 7 saal pithor te Assam toh besi bhal te othikena jai ase. Prime Minister Narendra Modi para morom kora nemite aro tai laga blessing toh Assam manuh logot alag-alag development projects para thishe. Aji ami khan akhe te jai thaka samai Hon’ble PM motob aro morom loboli mon ase,” koikena chief minister Sarma para meeting kora beche junai thishe. Prime Minister Narendra Modi logot meeting kora beche, Sarma toh aro dosura tuita(2) meeting te National Security Advisor (NSA) Ajit Doval aro Research & Analysis Wing (RAW) chief Samant Goel logot meeting korishe. Khobor hesab te ULFA(I) logot formal-talks soruh koriboli nemite tuita(2) meeting te be etu laga kotha koishe. Assam chief minister, Sarma para aro dosura meeting ekta Union home secretary Ajay Kumar Bhalla logot be thakishe koishe. Sarma para national capital te tin(3) din visit kora samai, tai para tinta(3) Union finance minister Nirmala Sitharaman, Union minister for housing & urban affairs & civil aviation Hardeep Singh Puri aro Union health minister Dr Harsh Vardhan logot lok paishe. Dr Vardshan logot meeting kora samai Sarma para State te COVID-19 halat jai thaka nemite aro State government para alag-alag kam jai thaha be kotha koishe. Sarma para Hardeep Puri logot meeting te urban development & civil aviation nemite kotha koishe.