Cachar Police para Congress leader ke thurishe

June 4, 2021. Cachar Police para Congress leader Abir Choudhury ke FIR hesab te tai laga mobile phone logot thurishe koishe. Tai para facebook te desh laga Prime Minister aro Home Minister oper te nam beya kora nemite ase koishe. Media khobor hesab te, FIR toh Bharatiya Janata Yuva Morcha laga Cachar district president, Amitesh Chakraborty para Silchar Sadar police station te filed korishe. “political ideology pithor te desh laga office bearer nam beya korishe. Ek jun laga nam Abir Choudhury (facebook id) hesab te Prime Minister aro Home minister laga nam  beya koro toh tai khan elka nemite nahoikena state te authority laga nam be putnam ase,” koikena Chakraborty para FIR te janaishe. “etu beya kam kora para toh desh laga citizens oper te khobor beya hoikena society laga nam be besi putnam ase koikena FIR te aro Chakraborty para janaishe. Etu FIR toh May 17, 2021 te lodged kora ase koishe. Choudhury oper te action loboli nemite, complainant para FIR te officer-in-charge logot koishe ke, “etu desh te law-abiding citizens nemite aro manuh khan laga nam para joldi etu manuh ke thurikena action loboli janai ase.” Khobor hesab te, Thursday din Choudhury ke tai laga ghor Panchayat Road te thurikena sawal koriboli nemite loikena jaishe. Police para aro koishe ek, investigation nemite Choudhury laga mobile phone toh be seized korishe. Choudhury ke Information Technology Act pithor Section 294/501 aro 67 te thurishe koishe.