CBI Court te 4 jun Bengal Leaders appear korishe

Kolkata: Narada case te 4 jun senior leaders khan trial jai thaka toh Friday din Kolkata te special CBI judge laga court osor te ahishe koishe. April 17 darik te Judge Anupam Mukerjee para etu 4 jun senior leaders logot interim bail junai deya te, tai khan ke June 4 darik te court te ahiboli koishe. State ministers Subrata Mukherjee aro Firhad Hakim, TMC MLA Madan Mitra aro former city mayor Sovan Chatterjee, Bankshall court te ahikena judge osor te thakishe aro etu olop thaka beche jaishe koishe. Judge Mukherjee para koishe ke, etu case nemite next hearing thakiboli darik toh olop beche junai thiboli koishe. Calcutta High Court laga 5-judge bench para May 28 darik te 4 jun senior leaders ke interim bail junaishe. Tai khan ke May 17 darik CBI para thurikena Narada sting tape case oper te high court order hesab te investigate korishe. Special CBI court etu din te bail thishe hoilebi order toh high court para rokai thikena thakishe, etu nemite tai khan sob judicial custody te thakishe. Special CBI court te May 17 darik te anishe hoilebi etu din Nizam Palace bahar te 2,000-3,000 manuh para protest kora nemite court te physically loikena jaboli parai nai koishe. Narada sting case te chargesheet toh etu din special court te 4 jun leaders kelaaf te submitted korishe. Special court para interim bail thishe aro next hearing toh June 4 darik te court te ahiboli junaishe.