Maharashtra te level 5 unlock plan soruh

Mumbai: Monday din para Maharashtra te level 5 unlock plan soruh hoboli ase etu samai State te Covid positivity rate aro oxygen beds saboli ase koishe. Friday din state government para level 5 restriction plan te COVID-19 bemari nemite  lockdown hoikena thaka jaga toh aro kuliboli koishe. Districts te Covid-19 bemar thaka jaga te level hesab te relaxation toh fesla loishe. Guidelines hesab te Thursday din te Public Health Department para halat toh saikena ase koishe. Level 1 restrictions komti ase aro level 5 te restrictions besi wala ase. Level 1 te kaun jaga te positivity rate toh 5 per cent logot komti ase aro 25 per cent oxygen beds loikena ase etu jaga te koribo. Dukan saman neshina essential aro non-essential, aro malls & theatres, restaurants aro public jaga toh kulibo koishe. Private aro government offices, funerals, marriages, gyms aro salons be hotai din kulibo aro local trains hotai din perabo. Level 2 restrictions toh positivity rate 5 per cent neji te thakai aro oxygen bed 25 para 40 per cent loikena thaka toh hobo. Etu restrictions toh level 1 neshina hobo, hoilebi  theatres, gyms, marriages aro restaurants te manuh toh 50 per cent thakibo. Local trains toh restricted koribo, hoilebi medical aro essential kam toh mana kora nai. Districts kaut te positivity rate toh 5 aro 10 per cent nahoile bed toh 40 per cent oper thakibo etu jaga te Level 3 restrictions thakibo. Stores toh 4am para kulibo aro malls aro theatres bondh thakibo. Restaurants te kali 50 per manuh khan thakibo aro hotai hafta 4 pm dak kulibo. Public jaga te outdoor activities toh 5am para 9am samai dak kuliboi. Sob Private office te manuh 50 per cent te hotai kam kora din 4pm dak kulibo. Marriages te kali 50 manuh thakibo aro funerals te 20 jun thakibo. Construction kam toh kali etu jaga laga labourers para koribo nahoile dosura khan 4pm dak te jariboli lage. Level 4 te kali essential shops toh 4 pm dak kula thakibo aro restaurants nemite pickup/home delivery koriboli thibo. Private office te ‘exempted category’ khan ke kam koriboli thibo aro government office te 25 per cent mana ase. Marriages samai 25 jun oper nathakibo aro funeral te 20 jun ke manoibo. Level 5 te pura lockdown laga halat jolabo. Essential shops toh 4pm dak kulibo aro restaurants nemite home delivery thikibo. Maharashtra te 24 gonda pithor te, 14,152 notun COVID-19 cases thurishe aro bemari para 289 morishe aro 20, 852 neshina bhal hoishe. Itya dak te 1,96,894 active cases hoikena ase aro bemari cases toh 58,05,565 neshina khobor ase.