New Delhi: COVID 19 bemari second wave samai trains besi ek paar nemite bondh korikena thaka toh Indian Railways para etu trains toh aro soruh koriboli fesla loishe. June 5 darik aro 6 darik te, Indian Railways para 24 passenger trains bondh hoikena thaka toh aro peraboli junaishe. East Central Railways para koishe ke, passenger special trains tai khan laga jaga pithor te peraboli sorouh koribo. Etu samai trains laga timings, stoppages, aro routes toh putli nakoribo aro etu oper te trains laga fares be putli nakoribo. Trains pera soruh koribo nemite COVID-19 guidelines toh passengers khan oper te strict thakibo aro etu neum toh sob manuh para maniboli lage, koikena railways para janaishe. Etu kam jarikena, Railways para aro konuba summer special trains toh peraboli fesla korishe. Railway Minister Piyush Goyal para Friday din te Twitter te koishe ke, Uttar Pradesh aro Bihar te thaka manuh faita nemite summer special train service toh Gorakhpur-Panvel, Delhi-Gorakhpur aro Chhapra-Panvel rasta te peraboli soruh koribo. Gorakhpur-Panvel special train toh 1 hafta te tui(2) din June 6 darik para pera soruh koribo. Etu train tooh Bhopal, Jhansi, Orai, Kanpur, Lucknow, Gonda aro Basti laga rasta te peraboli janaishe. Dosura khobor ekta te, Gorakhpur-Anand Vihar special train toh June 7 darik para hafta te tui(2) paar Ghaziabad, Moradabad, Bareilly, Sitapur, Gonda aro Basti te perabo.
Chhapra-Panvel toh hoita hafta June 12 darik para pera soruh hoikena Bhusaval, Jabalpur, Prayagraj, Varanasi, Ghazipur aro Ballia rasta te perboli ase janaishe.
Add Comment