GUWAHATI: COVID-19 bemari manuh oper te elaj kora samai private healthcare facilities te poisa besi charge kora nemite, Assam government para private super-speciality aro general hospitals te COVID bemar elaj nemite rate toh “reasonable” te fixed kori thishe. State health minister Keshab Mahanta para Friday din media logot koishe ke, state laga private hospitals te maximum chargeable rates toh dosura logot compare kora hesab te besi ase aro itya bemari samai COVID bemari manuh logot elaj samai rate toh besi othai ase koishe. “state te private healthcare facilities laga proprietors khan logot tuita(2) meeting korikena private hospitals te COVID bemar manuh nemite rates toh fixed korishe,” koikena Mahanta para khobor toh janaishe. Minister para janaishe ke, COVID bemar manuh nemite general wards te super-speciality hospitals te 1 din laga rate toh Rs 5000 ase aro dosura private hospitals laga general wards te 1 din laga charge toh Rs 4000 te fixed korishe. “etu oper te konuba private super speciality hospitals te cabin laga rate toh Rs 6500 1 din te aro ICU te bena ventilator toh 1 din te Rs 10,000 aro ventilator logot 1 din laga charge toh 15,000 ase. Etu rate toh koti korikena itya notun rate toh general hospital te 1 din laga maximum rate toh Rs 5000, ICU te bena ventilator 1 din laga rate toh Rs 9000 aro ICU logot ventilator rate toh 12,000 thakibo,” koikena Mahanta para aro koishe. Tai aro koishe ke, etu rate toh registration charges, bed, boarding/food, nursing charge, consultant’s charge, pathological tests, X-rays, USG nemite te samil ase koishe. Hoilebi dosura COVID nathaka bemar manuh logot (generally with co-morbid conditions) toh rate toh ke ase charge koribo,” minister janaishe. Assam chief minister Himanta Biswa Sarma para olop din akhe te health minister aro health department officials logot meeting kora samai COVID halat nemite be kotha korikena ase.
Add Comment