Fake Doctor ek jun thurishe

June 4, 2021. Assam Dibrugarh district, Mokalbari tea estate para Class 10 te fail howa manuh ek jun para doctor neshina perai thaka ke toh thurishe koishe. Etu mesa laga doctor laga nam toh Simon Nag thakishe aro tai para Karnataka te doctor, Dr Stephen Antony laga registration number jolai thakishe. Dr Stephen Antony toh 2009 saal para bahar jaikena ase koishe. Tea estate laga khobor hesab te Nag toh Mokalbari te 2018 saal para medical officer kam kori ase. Etu mesa khobor toh Guwahati-based hospital laga Dr Abhijit Neog para janaishe. Tai para hosa manuh Dr Stephen Antony oper te original registration number holder ke khobor lowa hesab te tai toh Singapore te practice kori ase koishe. Khobor hesab te Antony toh 2006 saal St. John’s Medical College, Bengaluru  te graduated hoikena etu registration number toh 2007 saal Medical Council of India para deya ase koishe. Etu mesa doctor khobor toh qst case nahoi, Assam te etu neshina case toh jowa 3-4 akhe te be 12 cases neshina state te thurikena ase koishe.