Manipur te Schools bondh kora aro othaishe

June 4, 2021. Manipur State te COVID-19 bemar halat beya jai thaka nemite, Manipur government para aro June 1 darik te aro sate laga schools toh notun orders junai natai dak bondh thaka toh aro extended korishe, koikena khobor para janaishe. Olop din akhe te state government para schools nemite summer vacation toh May 1 darik para May 21 darik dak junaikena ase, etu samai coronavirus cases othi-thaka te hoshari kam koriboli koishe. Commissioner Education (Schools), T Ranjit para order te koishe ke, COVID-19 positive cases othi-thaka te aro bemar para manuh besi mora nemite state te public interest oper te aro schools toh bondh koriboli echa ase. Order te aro janaishe ke, online classes toh puila neshina loi thakiboli koishe. Etu samai coaching classes aro hostels sob bondh thakiboli janaishe. Manipur te June 1 darik te 798 notun COVID-19 cases thurishe, etu nemite state te sob melaikena bemari cases toh 51,549 hoishe aro etu samai state te aro bemar para notun 18 manuh mora khobor paishe. Manipura te sob melaikena bemar para 825 mannuh morikena ase koishe. Manipur te schools toh 10 moina neshina bondh thakina aro January 27 darik te Classes 9-12 nemite kulishe. Hoilebi, April moina te aro state authority para matriculation examination aro higher secondary examination May 5 aro May 6 para soruh hoboli thaka toh postpone koriboli juani thishe.