Assam: SMCH te Black fungus cases thurishe

June 5, 2021. Silchar Medical College & Hospital (SMCH) Assam te COVID-19 bemari manuh ek jun logot Black fungus aro mucormycosis bemar be kowa toh thurishe koishe. Friday din Silchar Medical College & Hospital (SMCH) te Doctors khan para bemar manuh laga biopsy reports hesab te Black Fungus toh thurishe. “potassium hydroxide test te Black Fungal infection tog positive paishe aro biopsy aro culture reports hesab te bemar manuh logot toh mucormycosis or Black Fungus toh thurishe. Etu bemar manuh toh Karimganj district para ase,” koikena SMCH laga vice principal Dr Bhaskar Gupta para khobor toh janaishe. Gupta para koishe ke, bemar manuh toh hospital laga Medicine ward te admitted hikena ase. “bemar manuh laga halat toh itya bhal thakilebe beche te ke hobo kobo napari. Ami khan tai ke State protocol neum para besi bhal para sai ase,” tai koishe. SMCH principal Dr Babul Bezbaruah para olop din akhe te koishe ke, bemar manuh toh May 5 darik Karimganj Civil Hospital te COVID-19 positive tested thurishe, etu beche May 11 darik te tai ke negative test powa nemite hospital para olaishe. Hoilebi, etu beche aro May 12 darik te etu manuh logot breathing problem howa nemite Silchar private hospital te admitted korishe. Etu beche May 12 darik te bemar manuh ke toh Department of Ophthalmology of SMCH te loikena ahishe aro elag kora samai tai laga soku ekta side toh swelling kori thakishe. Department of ENT para nasal endoscopy, biopsy  aro swab lowa beche Thursday din te report toh paishe koishe.