Kamakhya Temple te Ambubachi Mela namanibo

June 5, 2021. Etu saal Kamakhya Temple te Ambubachi Mela toh Covid-19 bemari nemite celebrate nakoriboli junaishe. Ambubachi Mela toh famous religious festival ase aro hotai saal Kamakhya Temple te celebrated kori thaki, etu temple toh 51 Shakti Pithas laga sob purana temple ase aro Guwhati’s Nilachal hills te ase. Kamakhya Temple te alag-alag jaga laga manuh aro dosura country para hazar devotees aro pilgrims be ahikena samil kori thaki. Friday din te Maa Kamakhya Devalaya Parichalana Committee (management committee) para statement te koishe ke, “etu khobor toh sob manuh nemite ase ke, etu saal COVID-19 bemari nemite Maa Kamakhya Devalaya toh devotees khan nemite June 30, 2021 darik dak bondh thakibo.” June 22, 2021 te Ambubachi Mahayog samai ritual toh manibo, koikena statement te janaishe. “etu samai devotees aro Sadhu-Sanyasis pithor te jaboli mana thakibo,” koishe. Temple laga management committee para koishe ke, Kamakhya te food aro lodging facilities nathakibo, etu nemite temple management committee para devotees logot kotha toh maniboli janaishe. “etu samai manuh khan sob para kotha maniboli janai ase. Dukh samai Maa para sob logot bless koribo.” Thursday din Assam te 4,309 notun Covid19 positive cases thurishe aro 46 jun morishe koishe. Thursday din Kamrup Metro district ekla te 386 notun positive cases aro 5 jun morishe. Assam te positivity rate toh 4.02% ase aro 50,534 active Covid19 cases hoikena ase. Kumbh Mela samai jaga laga-alag para lakh nehina manuh khan ahikena celebrate kori thaki, hoilebi etu saal COVID-19 bemar nemite komti hobo. Prime Minister Narendra Modi para organizers khan logot Haridwar samai COVID19 bemari thaka nemite hoshari koriboli janaishe.